KannieWarriesDansorkes Witwarm Kitaarklanke

Please follow and like us:
Follow by Email
Twitter
Visit Us
Follow Me
LinkedIn
Share
INSTAGRAM

Hier is witwarm feestydklanke!

Sedert die KannieWarriesDansorkes in 2000 gestig is, was daar verskeie orkeslid-skuiwe deur die jare, maar die orkes het sy nuwerwetse snaarklank met ‘n outydse lekkerkry behou!

Die orkes se eerste album is in 2007 uitgereik. Daarna het die titels Kom skoffel saam!, Vaalrivier se wakker snare, Vaalrivier se opskopsnare en Vaalrivier se boogie-snare gevolg. En hier is die komkommerlose orkes se splinternuwe album, Witwarm kitaarklanke, vervaardig deur die bekroonde sanger, musikant en regisseur Ernie Bates vir Sweepslag Studios.

Bekroonde eiesoortigheid

Die KannieWarries se eiesoortige snaarklank is deur die jare blink gepoets en geslyp en het ontwikkel tot een van die bestes in die land. Hulle spog met talle Bobaas-Boere-toekennings en Ghoemabenoemings. Hul grootste trots is egter die feit dat hulle gereeld die kitaar-legende, oom Sollie Marx, by sy optredes begelei het.

Die musikante

Die huidige vyftal – Jurg Basson (banjo),  Ria Best (ritmiese kitaar), Rudi Jooste (leierkitaar), Danie Heunis (baskitaar) en Nico Heunis (tromme)- spog graag met hul sesde album, wat deur die kundiges as hul beste nóg bestempel word.

Die danstreffers

Daar is ‘n heerlike voetjeuk-vrolike versameling liedjies in die uiteenlopende omvang van die Boeremusiekspektrum: walse en setiese, vastrappe en kwêlas. Tussen die balke-toe-dansgenietinge is ‘n aantal oorspronklike komposisies: Witwarm,  Lieflike  Linzunè,  Mandie  se  Vastrap  en  Ernie  se  tokkel  (genoem na hul nuwe  opname-regisseur). 

Gryp die ritme ook met Sonop, Wipneusie, Veldskoenwals, Sharpeville kwêla, Swartturfsetees en Rivier van trane. Twee geliefde country-gunstelinge,  Your Old Love Letters en A Couple More Years kry ‘n snaar-inspuiting en die tydlose  Kalfiewals herleef byderwets.

Maak dié feestyd ‘n witwarm snaarplesier!

MEDIA-UITREIKING

Datum: November 2017

Kontak Lydia Winchester vir meer inligting

Tel: (011) 475 2187 – Sel: 082 554 8453 – E-pos: lydiaw@mweb.co.za

Related posts