Die avonture van Kuifie – Die 7 kristalballe

Please follow and like us:
Follow by Email
Twitter
Visit Us
Follow Me
LinkedIn
Share
INSTAGRAM

AGTERGROND

Die avonture van Kuifie (Frans: Les Aventures de Tintin et Milou) is een van die gewildste strokiesverhale wat in die twintigste eeu verskyn en is vandag steeds populêr. Die boeke word in ongeveer 60 tale vertaal. Die hoofkarakter van die verhale is die jong Belgiese verslaggewer Kuifie. Saam met sy hond, Spokie, beleef hy verskeie avonture.

Die eerste verhaal van Kuifie verskyn op 10 Januarie 1929 as ’n bylae tot die Franstalige Brusselse koerant Le Vingtième Siècle. Hergé skryf en teken in die tydperk tussen 1929 en 1976 23 strokiesverhale (die 24ste verhaal bly onvoltooi).

In Die 7 kristalballe keer die Sanders-Hardmuth-ekspedisie na Europa terug ná ’n lang reis deur Peru en Bolivia. Hulle bring die mummie van Raskar Kapak saam met hulle terug. Professor Sonneblom voorspel dat daar niks goeds van hierdie grafskending gaan kom nie. Een na die ander verval die sewe wetenskaplikes wat aan die ekspedisie deelgeneem het in ’n vreemde koma, en telkens word kristalskerwe op die toneel gevind. Brits en Britz se hulp word ingeroep om die saak te ondersoek. Intussen word professor Sonneblom ontvoer en Kuifie, Spokie en kaptein Sardijn vertrek na Suid-Amerika om hom te probeer opspoor.

OOR DIE OUTEUR

Die Belgiese skrywer en illustreerder Georges Prosper Remi oftewel Hergé (1907–1983) staan bekend as die vader van die moderne strokiesprent. Vir sy latere werke doen hy uitgebreide navorsing om die verhale so outentiek moontlik te maak.

OOR DIE VERTALER

Sonya van Schalkwyk-Barrois woon in Parys, Frankryk. Sy het by die Universiteit Stellenbosch gestudeer en beskik oor ’n Magistergraad in Frans. Sy is ook die vertaler van die Asterix-boeke, wat ook deur Protea gepubliseer word.


VERKOOPSMOONTLIKHEDE

Die avonture van Kuifie is baie gewild onder lesers van alle ouderdomme. Dit is ’n bekende reeks wat geen bekendstelling nodig het nie. Human & Rousseau publiseer meer as 10 jaar gelede Afrikaanse uitgawes van die reeks. Die Afrikaanse boeke is skaars en moeilik bekombaar en daar sal dus ’n groot aanvraag na hierdie heruitgawes wees.

LESERSPROFIEL

Kinders van die ouderdom van 9 jaar en ouer. Volwasse aanhangers van die reeks.

TITEL: Die avonture van Kuifie – Die 7 kristalballe

OUTEUR: Hergé

VERTALER: Sonya van Schalkwyk-Barrois

GENRE: Strokiesverhaal

PRYS: R130.00 (BTW ingesluit)

VERSKYNINGSDATUM: Oktober  2019

ISBN (gedrukte boek): 978-1-4853-0993-2

FORMAAT: 220 x 295 mm

HARDEBAND/SAGTEBAND: Sagteband

AANTAL BLADSYE: 62

VERSPREIDING: Wêreldwyd

8 Minni Street, Clydesdale Pretoria 0002

PO Box 35110, Menlo Park, 0102

Tel. 012 3436279 • Fax: 012 3442653

martie@proteaboekhuis.co.za • www.proteaboekhuis.com

Related posts