Faraway George se nuwe enkelsnit, Hey Sister, plaas die fokus op familie verhoudinge!

Please follow and like us:
Follow by Email
Twitter
Visit Us
Follow Me
LinkedIn
Share
INSTAGRAM

Sommige kunstenaars / musikante het nou maar net die vermoeë om jou geweldig te inspireer en om alles in die lewe te waardeer en te laat fokus op dit wat belangrik is in die lewe en te vergeet van al die aardse dinge.  Die baie talentvolle folk-sanger, Faraway George is een van hulle.  Ons reik vandag sy splinternuwe enkelsnit, HEY SISTER, vanaf sy album, Burnt & Found, uit en dit plaas ‘n sterk fokus op familie verhoudinge

Foto Krediet: Okay Deer Photography

Die gewilde folk-sanger, Faraway George, wat in Pietersburg (Polokwane) gebore is en deesdae saam met sy vrou in Tzaneen op ‘n plaas in Magoebaskloof tussen die berg woon, het met Jazz-musiek grootgeword. Hy het as tiener begin kitaar speel. Alhoewel hy aanvanklik argitektuur sou studeer, het hy dit opgegee vir sy musiekloopbaan. Sy debuut-kortspeelplaat, Vir ’n Vreemdeling, is in 2016 vrygestel, maar vroeg in 2020 het hy sy langverwagte album, Burnt & Found vrygestel.

Vanaf hierdie album is daar twee indrukwekkende enkelsnitte, Sugar Cane en Armour uitgereik en nou volg hy dit op met die uitreiking van sy derde enkelsnit Hey Sister.  Dié liedjie gaan daaroor om kontak te behou met jou familie nadat jy die huis verlaat, en soos die ander snitte vloei dit óók uit sy eie pen.

Toe ek gaan studeer het en die huis verlaat het, het ek besef hoe baie ek my broer en suster mis.  Selfs die tye wanneer hulle op ‘n mens se senuwees werk word later waardeer omdat dit steeds tyd is wat jy saam met hulle kon spandeer.  Daar is ‘n gedeelte in die liedjie waar ek sing – why won’t you bother me? – dit gaan juis daaroor.  Dit laat ‘n mens besef dat jy moet tyd maak vir jou familie en mekaar moet waardeer en geniet in die lewe ”, sê hy oor hierdie nuwe vrystelling van hom.

Faraway George se musiek kan beskryf word as ‘n mengsel van Folk-akoesties en Indie, met elemente van Country wat plek-plek deurskemer.  Sy musiek inspireer en laat jou fokus om die dinge in die lewe te waardeer en te fokus op wat belangrik is, eerder as op die geraas van aardse dinge. 

Hy is tans weer besig om liedjies te skryf vir ander kunstenaars en enige belangstellende kunstenaars kan hom kontak by info@farawaygeorge.co.za

Op die 30ste Oktober 2020 kan jy hom ook in aksie sien in Carolina by Acorn Guest Farm saam met mede-kunstenaars  Joshua na die Reën, Stella en Leon Gropp en kaartjies is beskikbaar by raindust.co

Ek hoop elkeen wat hierdie liedjie luister gaan moeite doen om meer tyd met hulle familie te spandeer en sommer net die foon optel en bel”, sluit hy af.

Sy album Burnt & Found is op alle digitale platforms beskikbaar.  Laai dit hier af:

https://music.apple.com/za/album/burnt-found/1500155473

SOSIALEMEDIASKAKELS:

Facebook: https://www.facebook.com/farawaygeorge/

Instagram: @farawaygeorge

Twitter: @farawaygeorge

Website: www.farawaygeorge.co.za

YouTube: https://www.youtube.com/channel/UC4-5u-ateqvGpPZS-Xh5IHg

PUBLISITEIT & BEMARKING:

STARBURST PROMOSIES

Alishia van Deventer

Sel: 083 635 4717

E-pos: alishia@starburstmusic.co.za

Webblad: www.starburstmusic.co.za

STARBURST PROMOTIONS
JP Perie – ADMINISTRATION

Related posts