WEN R10 000 MET DIE KAROO WETENSKAPFIKSIEFILM, WESENS!

Die wetenskapfiksiefilm, WESENS, wat tans eksklusief beskikbaar op DStv BoxOffice is, gee filmliefhebbers nou die geleentheid om groot kontantpryse te wen met ‘n eerste van sy soort filmontleding-kompetisie.

Die skeppende agentskap The Suits en LitNet is opsoek na ’n kritiese ontleding van WESENS – die veel bekroonde Karoo-Sci-Fi-film – wat in Oktober verlede jaar in Suid-Afrikaanse bioskope vrygestel is, en tans eksklusief beskikbaar is op DStv se BoxOffice.

Vir die kompetisie is hulle opsoek na meer as ’n konvensionele filmresensie. Waarna hulle soek is ‘n kritiese ontleding waar jy die temas en simboliek in die film ondersoek en jou insigte en interpretasie daarvan deel.

Dit is nie nodig om die storielyn van die film te herhaal in jou ontleding nie, fokus meer op die metafore en filmtegnieke wat gebruik is en hoe dit alles bydra tot jou interpretasie van die temas, simboliek en uiteindelike boodskap van die film.

Die kompetisie is oop vir skoliere, studente en filmliefhebbers. Die kritiese ontleding van die film moet tussen 500 en 1200 woorde lank wees. Stuur jou inskrywing aan izak@litnet.co.za met die woord “Wesens” duidelik in die onderwerplyn.

Kontantpryse sluit in R10 000 vir die eerste prys, R3 000 vir die tweede prys en R2 000 vir die derde prys. Inskrywings moet LitNet voor of op 9 Mei 2021 bereik om in aanmerking te kom vir die pryse.

Nog opwindende nuus is dat die bekroonde Suid-Afrikaanse skrywer en rolprentresensent, Leon van Nierop, ook een van die beoordelaars is van hierdie unieke filmontleding-kompetisie!

Hierdie raaiselagtige wetenskapfiksie-film volg vier Suid-Afrikaanse Republikeinse Intelligensie-diens Agente wat met behulp van onderskeidelik ʼn Super 8 en 16 mm-kamera ‘n vreemde voorwerp ondersoek wat op 3 Desember 1967 op ‘n boer se plaas in die Karoo geland het. Wat volg is die ontknoping van ‘n raaisel wat jou sal boei tot die laaste oomblik.

Besoek LitNet of die WESENS-webwerf vir meer inligting.

Vind die WESENS-lokprent vir DStv BoxOffice, kliek hier.

SOSIALE MEDIA SKAKELS

Facebook:           (20+) Wesens Film | Facebook

Instagram:          @wesensfilm

Webtuiste:         www.wesens.co.za

PUBLISITEIT & BEMARKING

Starburst Promosies

Alishia van Deventer

Sel: 083 635 4717

E-pos: alishia@starburstmusic.co.za

Webblad: www.starburstmusic.co.za

Related posts