In 2020 het Willem van der Ryst van Centurion, opslae gemaak met sy liedjie, Knipmes Aand, wat steeds ’n gunsteling is op almal se kuiermusiekspeellys. Nou is dié populêre sanger wat grootgeword het op ’n plaas in die Noordkaap terug met ’n splinternuwe enkelsnit wat nóg dieper in Afrikaanse musiekharte gaan kruip.
“NIKKELS EN DIE WYN gaan oor ’n man wat verlief raak op ’n vrou, maar as gevolg van omstandighede moet sy vir hom wag. Hy weet nie vir hoe lank sy sal wag nie… maar intussen drink hulle gereeld saam wyn en is sy vir hom meer werd as geld (nikkels),” verklap Willem, wat al veertien jaar doenig is in die bedryf, oor sy derde vrystelling waarby hy glo almal sal aanklank vind.
Hierdie lekkerluister folk-popliedjie kom uit sy eie pen en pas sy growwe storievertellerstem soos ’n handskoen. “Ek dink dis ’n sterk liedjie, met ’n goeie storie waarmee mense sal kan vereenselwig, omdat almal sulke tipe stories het wat hulle in die lewe ervaar,” sê hy.
’n Musiekvideo van die snit sal ook eersdaags aanlyn en op die kassie beskikbaar wees, maar hieroor wil hy nog nie te veel verklap nie.
Alhoewel hy vir die grootste gedeelte van sy skoolloopbaan meer in sport belanggestel het en geen formele musiekopleiding het nie, was daar ’n seun in sy koshuis wat altyd kitaar gespeel het. Nadat hy op ’n dag besluit het om die kitaar op te tel en te begin tokkel, het hy ontdek dat hy ’n natuurlike aanvoeling het daarvoor en so het sy liefde vir musiek ontstaan.
Hy is mal oor moderne Country-musiek en sonder Keith Urban, Kip Moore en Zac Brown Band uit as sy grootste inspirasie en verklap dat hy graag nog eendag saam met musikante soos Mauritz Lotz, David Classen, Denny Lalouette en Vinnie Henrico sou wou werk.
“Ek sing eenvoudige liedjies, wat stories vertel. Enigiets kan my inspireer, van ’n boemelaar tot ’n ou in ’n Ferrari. Dis nie iets spesifiek wat my laat liedjies skryf nie, maar ek weet dadelik wanneer iets my wel geïnspireer het”, sê Willem.
Willem het ’n groot liefde vir vlieg en sou graag ’n vlieënier wou wees as hy nie kon sing nie. Hy is hoeka tans besig om sy kommersiële vlieglisensie te kry en werk ook hard aan nuwe musiek vir die toekoms.
NIKKELS EN DIE WYN is nie net ’n pragtige resultaat van die werk en passie wat hy reeds in sy loopbaan belê het nie, maar is ook een van daai liedjies wat vir nog lank gewild gaan wees onder oud en jonk.
Olka Bolka het ‘n onderhoud met Willem gedoen om meer oor hom uit te vind:
Vertel ons lesers waar jy gebore en grootgeword, waar bly jy tans?
Ek het grootgeword op n plaas in die Noord kaap, n klein plekkie
met die naam “Koopmansfontein”
Wat het jy na Matriek gedoen?
Ek het klank ingeneurswese geswot by die SAUK
Wat doen jy behalwe musiek?
Ek is n kommersiële vlieënier
Vertel my van jou nuutse enkelsnit?
NIKKELS EN DIE WYN gaan oor ’n man wat verlief raak op ’n vrou, maar as gevolg van
omstandighede moet sy vir hom wag. Hy weet nie vir hoe lank sy sal wag nie… maar
intussen drink hulle gereeld saam wyn en is sy vir hom meer werd as geld (nikkels)
Skryf jy self jou liedjies?
Ja
Vertel ons van jouself in ‘n neutedop?
Eks maar soos enige ander ou lief vir braaivleis en braaibroodjies.
Ek geniet mense en musiek maak vreeslik baie. Jy kan my in ‘n wip
vang met goeie koffie en peppermint crisp tert.
Hoe het jy 2020 tot nou in 2021 ervaar?
Die eerste helfte van 2021 was verbasend besig gewees, ek het
weer begin hoop kry vir die vermaaklikheids bedryf. Ons is almal in
die ding geboender, maar ek dink tog almal het nogsteeds baie om
voor dankbaar te wees.
Watse invloed het covid op jou musiekloopbaan gehad , en nog
steeds?
Dit het my n paar goeie lesse geleer, ek vat die positief daaruit. Dit
het my gedwing om uit die boks te dink om sodoende nogsteeds n
bestaan te maak. In party gevalle dink ek eintlik ek is beter af as
voor covid.
Wat is jou gunsteling Musiek genre?
Modern Country
Som jou musiekstyl in een sin op?
Ek is maar n storieverteller
Vertel ons iets wat niemand van jou weet nie?
Ek sal ja sê vir amper enige uitdaging
Wat inspireer jou?
Positiewe mense
As jy saam met enigeiemand in die wêreld kan sing, wie sal dit
wees en hoekom?
Keith Urban, wat n briljante musiekant!!!
Wat is volgende vir jou, en hoe sien jy jou toekoms?
Om eerlik te wees dink ek ek leef my droom. Ek is baie bevoorreg
om te kan doen waarvoor ek lief is. Ek wil nooit ophou om nuwe
plekke en hul mense te besoek en te leer ken nie. Ek dink ook elke
kunstenaar wil op die uiteinde n positiewe verskil in mense se
lewens maak. Dis genoeg vir my.
Wat is jou droom vir die toekoms?
Ek al graag om n groot verhoog wil optree en wil hoor hoe mense
die woorde wat ek geskryf het vie my terug sing.
Wat is op jou emmerskoplys?
Ek wil graag vir Rusland besoek, ek weet nie hoekom nie.
Wanneer verjaar jy?
31 Januarie
Wat is jou gunsteling:
Tipe Musiek- Modern Country
Sangers- Kip Moore, Keith Urban
Band- Zac Brown Band
Gunsteling liedjie- Hey old Lover
Rolprent- Enemy at the gates
Akteurs- Adam Sandler
Reeks- How I met Your mother
Kos en drankie – Seekos en Koffie
Ontspanning – Golf
Boek – Rich Dad Poor Dad
Vakansie bestemming – Bosveld
Kleur – Blou
Waarvan hou jy niks – noem 4 dinge.
Oneerlikheid
Grootpraterigheid
Afguns
Selfsug
Waar kan mense jou kry en volg?
Ek is tans op Facebook en Instagram doenig,
Mense kan my daar volg.
Die liedjie is nou op alle digitale platforms beskikbaar. Kry dit hier: https://willemvanderryst2.hearnow.com/nikkels-en-die-wyn
SOSIALEMEDIASKAKEL
Facebook: https://www.facebook.com/willemmusiek
Instagram: @willemmusiek
PUBLISITEIT & BEMARKING
Starburst Promosies
Alani Coetsee
Sel: 072 442 6918
E-pos: alani@starburstmusic.co.za
Webblad: www.starburstmusic.co.za
