Na die suksesvolle bekendstelling van die fliek by die Fantasia Internasionale Rolprentfees in Kanada verlede jaar, word INDEMNITY uiteindelik in plaaslike bioskope vrygestel op 13 Mei 2022.
Dié rolprent, Suid-Afrikaanse skrywer en regisseur – Travis Taute – se debuut-film, is baie goed ontvang deur oorsese kritici. Dit het ook plaaslike media beïndruk tydens die eksklusiewe media-voorskou wat op 28 April plaasgevind het en die bekroonde skrywer, rolprentresensent en dosent, Leon van Nierop, beskryf dit as “die dapperste, mees gewaagde en gebalanseerde Suid-Afrikaanse aksierolprent wat nog ooit gemaak is.”
INDEMNITY vertel die storie van Theo Abrahams (Jarrid Geduld), ’n voormalige brandweerman wat aan Posttraumatiese stresversteuring (PTSV) ly, wat homself aan drank oorgee omdat hy nie kan teruggaan werk toe nie.
Theo se wêreld word op sy kop gedraai wanneer sy vrou en joernalis, Angela (Nicole Fortuin), vermoor word en hy die hoof-verdagte is. Dit dwing om hom om van die polisie te vlug, aangesien hy oortuig is dat hy onskuldig is. Soos wat die saak ondersoek word deur adjunk-hoof, Alan Shard (Andre Jacobs), en speurder, Rene Williamson (Gail Mabalane), word onthullings gemaak oor sy verlede, wat sy PTSV veroorsaak het, wat met sy vrou gebeur het en ’n regeringsameswering met drastiese gevolge.
INDEMNITY, ’n intense en indrukwekkende rolprent wat gemaklik vloei van een aksietoneel na die volgende, stel Taute (mede-skrywer van Nosipho Dumisa se bekroonde Nommer 37 en die Netflix-reeks Blood & Water) se vernuf as skrywer en regisseur op ’n nuwe vlak ten toon.
Gedryf deur die SAFTA-bekroonde Geduld se uitstaande toneelspel, verweef hierdie paranoïese samesweringsriller opwindende aksietonele met ’n emosionele storielyn en ’n kragtige boodskap. Dié prent, wat deur New York Times beskryf word as “’n stylvolle riller, vol erotiek en bedrog,” dien as bewys dat plaaslike rolprente en talent aan internasionale standaarde voldoen.
INDEMNITY is deur Gambit Films vervaardig, in samewerking met M-Net Films, Marche Media, Die Nasionale Rolprent- en Videostigting en Die Departement van Handel, Nywerheid en Mededinging.
Dit word plaaslik versprei deur Filmfinity Edms (Bpk.) en sal op 13 Mei 2022 in plaaslike bioskope te sien wees. Kaartjies kan vooraf bespreek word by https://www.sterkinekor.com/details/HO00002349/indemnity
INDEMNITY IS IN DIE VOLGENDE TEATERS TE SIEN:
Atlanta Cinema
Century Cinemax Northgate
Epic Mall@Reds
Epic Northridge
Epic Sun City
Grandwest Cine Centre
Julios Cinelux
Midlands Cine Centre
Minimax Cine ½
Movies@Emnotweni
Movies@GoldReef
Movies@Monte
NC Masa
Sky Cinema
Suncoast Cine Centre
The Gables
Whale Coast Theatre
NU Metro Boardwalk
NU Metro Canal Walk
NU Metro Clearwater
NU Metro Giyani
NU Metro Hyde Park
NU Metro Loch Logan
NU Metro Mamelodi
NU Metro Menlyn Park
NU Metro Mountain Mill
NU Metro Pavilion
NU Metro The Glen
NU Metro The Strip
NU Metro Westgate
Bay West
Bayside
Blue Route
Brooklyn Commercial
Cape Gate
Cavendish Commercial
Cresta
East Rand Mall
Eastgate
Garden Route Mall
Gateway Commercial
I’langa Mall
Kolonnade
Mall at Carnival
Mall of Africa
Mall of the North
Maponya Mall
Matlosana Mall
Mimosa
Musgrave
N1 City
Newton Junction
Parow
Promenade
Rosebank The Zone
Rustenburg
Sandton
Secunda
Somerset Mall
Southgate
Sterland
Tygervallei
Vaal Mall
Wonderpark
Kyk die lokprent hier: https://www.youtube.com/watch?v=kEeirDvFXLw
SOSIALEMEDIASKAKELS
INDEMNITY
Facebook: https://m.facebook.com/IndemnityFilm
Twitter: @IndemnityFilm
FILMFINITY
Facebook: https://www.facebook.com/TeamFinityZA/
Twitter: @TeamFinityZA
Instagram: @teamfinityza
FILMBATES
KREDIET: Magnolia Pictures
