Psalm 14
Die Skrif is teen die Muur.
Dit is NOU die Uur.
Die OORDEEL is hier !
Dit is helder dag
DONKER NAG !
TYD het uitgeloop.
GENADE is weggestroop.
Die uurglas is leeg.
Die mensdom is geweeg –
en te lig bevind.
Satan baljaar !
Besete brand en sny
sy kinders mekaar !
Die aarde is n KIS
vol onheil – wanorde – waansin – wanhoop –
en DUISTERNIS !
Met jou rug teen die muur
weet jy – die EINDE is hier !
Niemand hoor as jy roep . . .
niemand kom jou soek !
Dit het nou begin !
Die water is op !
Die meel is min !
Níks maak meer sin !
GEWEEG . . . GEWEEG . . .
TE LIG BEVIND . . . . . . . . !
U IS my Lig !
U IS my Sig!
Bewaar my Vader . . . .
ek is U KIND !
Vrees
Vrees is soos n vuur
wat jou binneste verteer . . .
As dit eers vlamvat
is daar geen keer !
Soos donderweer
dreun dit deur jou!
Soos weerlig
lê dit jou lam !
Paniek neem oor !
Níks bly oor !
Vrees is n Verwoester !
n Wrede harde genadelose
monster wat feite verdraai –
geloof verraai –
lig uitwis !
Vrees is slinks!
Hy glip by die agterdeur in . .
n Leuen hier –
n bietjie twyfel daar !
As jy weer sien
is hy jou vóltydse gesellin !
Soos n seekat se taai –
klewerige arms,
versmoor hy jou !
Met sy leuens
vermóór hy jou !
Gryp die slang
aan sy stert
vóór hy jou merk!
Vermorsel sy kop !
Jy kán – jy is sterk !
Gooi Lewende Water
op die vuur !
Spreek die Woord –
dit is jou Muur !
Draai jou rug !
Loof en Prys –
dit laat hom vlug!
Kyk OP !
Sê hard en duidelik STOP !
Jy – vrees – is gebind !
Ék – is die KONING se Kind !
