Blomme kraai Koning !
Jy kry blomme
en kraaie langs jou pad.
Die blomme om jou óp te beur, die kraaie laat jou treur.
Die blomme sing n liefdeslied vol blydskap !
Die kraaie krys n vals noot uit, van oordeel – beter weet – en verdriet.
Met hoogmoedige oë
soek die kraaie lammetjies
se oë om uit te pik . . . . . !
Sonder genade beswadder en besmeer hul blomme wat hárd probeer om n verskil te maak . . . . . .
O, wat moet ons met die kraaie maak ?
Laai die kraai af
in n donker nag !
Sonder jou van hulle af !
Blomme bly in lig –
blomme blom in die dag !
Wie is jy, o kraai –
om my sig te steel ?
Die Groot Herder
maak my oë heel
om mense soos jý
te kan vermý !
ALMAG
Is jou battery gelaai ?
EK het die WOORD gesaai . .
Is jy goeie grond
of bely jy net met jou mond ?
Het jy n “Inverter”
waar jy WOORD stoor vir later ?
Het jy genoeg WATER ?
Sonpanele vir nood –
sade en meel vir brood.
Só baie planne vir LIG . . . .
soek jy ooít MY AANGESIG ?
Gooi OLIE in jou kan
terwyl jy nog kan !
Maak jou LAMPE vol !
Vul op met MY WOORD
of verkies jy om hol te bly ?
Word jy nog stil om te bid . .
kom jy nog by MÝ VOETE sit?
Jy berei voor –
jy onthou om petrol te stoor-
jy maak planne vir BEURTkrag –
jy leen geld vir SONkrag . . .
Wéét jy nog
van MY ALMAG ?
Hou jy nog rékening
met MY ALMAG ?
GLO JY NOG
IN MY ALMAG ?
