Wat sal ek doen?
Ons liefde laat my beef –
ons liefde laat my sweef !
Ons liefde laat my swéts . . .
ons liefde laat my swéét !
Ons liefde laat my oor berge spring –
ons liefde laat my van blydskap sing !
Ons liefde laat my kriewel en kreun . . . . .
ons liefde, is n WILDE ding !
Ons liefde laat my hart wild klop,
ons liefde smokkel met my hart en kop !
Ons liefde maak my warm en koud,
ons liefde maak my lam . . . .
en stout !
Liefde is n verskríklike ding !
Dit wring jou fyn –
en soen jou heel !
Dit breek jou skanse –
dit bou en streel !
O my Lief,
wat sal ek doen –
sonder jou liefde
wat my verwoes . . . . . .
en SOEN !
Barensnood !!!
My gedigte
is die mense
wat saam met my
in my woning bly.
Ek kan nie kies nie !
Hulle trek ongenooi
sommer net ín by my !
Party is wild en ongeskik –
hul storm in met trompet – geskal !
Ander is instemmig,
en laat hul gedwee rangskik
en in plek val.
Wanneer laas was ek my eie baas ?
As ek haas om te ry,
sê n gedig – “O neeee,
jy wág vir my ! “
Is ek in n winkel
en dink ek is vry,
kry een my beet
en DWING my
om hom op papier te kry !
Op servette . . . .
op kwitansies . . . . .
ag tog –
gee net asseblief
n stukkie papier !
Ek is in BARENSNOOD !!!
Die BABA is hier !!!
In die kar –
juis as ek moet konsentreer,
spring n paar in en sê –
“Halloooo, ons is óók hier ! “
Soms is dit n BRUGBABA –
en ek worstel vir weke lank !
O wee, die kop sit vas !
O aarde, hierdie voet wil nie pas !
Bleek en uitgeput,
Juig ek as my SKATLAM
uiteindelik gebore is !
My KINDERS !
Hulle wring my hart
hulle suig my siel !
Party is bere . . . . .
ander is vlinders !
Hulle dring in elke hoekie en gleufie van my menswees in,
hulle annekseer my héle wese en proklammeer . . . . .
“Híerdie is maar nog net
die BEGIN !”
