Afrikaanse kunstenaar Armand Steenkamp het onlangs sy nuwe enkelsnit, “Johanna Van Saldanha”, vrygestel. Die liedjie is geïnspireer deur die wyle Worsie Visser se “Liedjie Gee Hom Gas Johanna”, en is ‘n eerbetoon aan die wonderlike vrou wat op die weskus van Suid-Afrika gewoon het.
Armand het die liedjie geskryf nadat hy een oggend by ‘n vriend, in sy braaikamer in Langebaan gesit kuier het. Daar het hy aan Worsie Visser se liedjie gedink en homself afgevra wie die Johanna was, wat almal so gas gegee het. Hoe sy gelyk het en wat het sy gedoen?
Hier is Olka Bolka se onderhoud met Armand Steenkamp
Vertel ons lesers kortliks oor jouself, waar jy gebore is ens.
Man ek is gebore in Nababeep. N klein dorpie hier in Namakwaland net lang Springbok.
Wat het jy na Matriek gedoen?
My droom was maar om na skool te gaan boer. Maar die droogte het gemaak dat ek net n jaar saam met my Pa en Ma kon boer. Na dit was ek maar voltyds in die musiekbedryf.
Wat doen jy behalwe musiek?
Ek werk op my vrou se seunewees… nee ek spot maar net. Ek is voltyds in die musiekbedryf vir die afgelope 13 jaar
Vertel my van jou nuutse enkelsnit?
Man ek het op n more in n vriend van my se braaikamer gesit. En die liedjie van Worsie Visser ” Gee hom gas Johanna” was in my kop. Toe beginne ek wonder maar wie was Johanna, wat het sy gemaak en hoe het sy gelyk. Toe skryf ek die liedjie Johanna van Saldanha.
Skryf jy self jou liedjies?
Ja, ek probeer maar die laaste tyd net my eie liedjies opneem. Van CDs nie meer n ding is nie is dit nie die moeite werd om n cover op te neem nie.
Is daar ‘n liedjie wat vir jou uitstaan wat jy opgeneem het?
Ja, die liedjie is nog nie vrygestel nie so ek kan nie te veel uitlap nie maar sy naam is ” Oom Boetie se dit is n meermin”
Wat verkies jy om Afrikaans of Engels te sing?
Ek verstaan skaars engels wat nog te se engels sing. Nee ek verkies maar Afrikaans
Enige stokperdjies?
Visvang en jag, herlaai
Wat is jou musiek genre?
Ek dink Zak van Niekerk het dit die beste gestel. Kuier musiek of Boere folk musiek.
Vertel ons iets wat niemand van jou weet nie?
Ek het provinsiale kleure in rots en strand hengel
Wat inspireer jou?
My vriende
As jy saam met enigeiemand in die wêreld kan sing, wie sal dit wees en hoekom?
Haha Luke Combs. Ek dink nie daar is iemand wat naby hom kom as dit by country musiek kom nie.
Watse raad sal jy iemand gee wat nou in jou bedryf wil begin? Sing orals waar jy kan. Elke kroeg en elke partydjie. Moet net nie verniet of vir ”blootstelling” sing nie. Jy kan nie jou rekeninge met 5000 blootstellings betaal nie.
Enige snaakste of benoude oomblikke tydens konserte?
Sulke goedjies gebeur sommer op n gereelde basis met my. Ek het by n fees opgetre en in my vertoning het ek een of twee liedjies waar ek bekfluit speel en sing. Nou die tye wat ek sing steek ek sommer die bekfluitjie in my jean se sak. Ek het net vergeet dat die jean se linker sak n gat in het. En so net na ek die fluitjie in my sak gesit het voel ek maar hy beweeg nou af teen my been en ek sal hom daar moet uitkry voor ek weer moet bekfluit speel anders gaan ek my stukkie bekfluit mis. Nodeloos om te se ek moes maar my hand by my broek insteek om die fluit uit te grou. Ek wonder nounog wat die mense gedink het.
Wat is op jou emmerskoplys? (Bucket List)
Om in elke land in die wereld vis te vang
Wanneer verjaar jy?
5de February
Waarvan hou jy niks – noem 4 dinge.
Mense wat lieg
Mense wat vals is
As iemand dink vriendskap kan gekoop raak
Droogte
Tipe Musiek
Enige Afrikaanse musiek. En Country
Sangers
Daar is bitter baie..
Luke Combs.
Morgan Wallen
Steve Hofmeyer
Appel
Om maar net enkeles te noem
Band
The Highwaymen
Gunsteling liedjie
Dit verander ook elke week maar op die stadium ”Ek kort” van Steve.
Rolprent
Saving Private Ryan
Akteurs
Los hande Frank Opperman
Reeks
Die vierde kabinet
Kos en drankie
Braaivleis en brannewyn met coke
Ontspanning
Herlaai, visvang en tyd saam my familie spandeer
Boek
Enige iets van Vince Flynn of Deon Meyer
Vakansie bestemming
Hentiesbaai
Kleur
Blou
Waar kan mense jou kry en volg?
Ek is op meeste sosiaale media platforms maar is die meeste aktief op Facebook en Tiktok.
Met die bekendstelling van die nuwe enkelsnit, het Armand Steenkamp ook genoem dat daar meer liedjies hierdie jaar sal bekendstel.
Luister dit hier: https://vyd.co/Johannavansaldanha
Kyk die video hier: https://youtu.be/uz6IaDlBqmQ
PLATEMAATSKAPPY:
Vonk Musiek
Tel: 011 823 1771 / 011 823 1772
Epos: sing@vonk.co.za
Webblad: www.vonkmusiek.co.za
PUBLISITEIT & BEMARKING:
STARBURST PROMOTIONS
Danelle Liebenberg
Sel: 0715347796
Epos: danelle@starburstmusic.co.za
Webblad: www.starburstmusic.co.za
