WORLD LEISURE HOLIDAYS – TROTSE BORG VAN HUISGENOOT SE MEJ. TIENER 2024!

WORLD LEISURE HOLIDAYS (WLH), ’n gesogte reisagentskap in Suid-Afrika, kondig met trots aan dat hulle een van die borge is van die gewilde Huisgenoot Mej. Tiener 2024-kompetisie. Hierdie ikoniese kompetisie, wat in 1962 begin het, is terug en op soek na ’n nuwe generasie deelnemers tussen die ouderdom van 13 en 18.

Kompetisie vorm in Huisgenoot.

Die Huisgenoot Mej. Tiener 2024-kompetisie, in samewerking met WLH, is opsoek na ’n rolmodel vir die tieners van vandag. Inskrywings is reeds oop en die deelnemers het die kans om nie net die titel te wen nie, maar ook ’n eksklusiewe gesinsvakansie na Mauritius sowel as ’n kontantprys van R10 000 en vele meer.

Yvonne Beyers, Huisgenoot se redakteur, : “Ons is opgewonde om dié ikoniese kompetisie ná al die jare weer aan te bied. Ons glo daar is ongelooflike talent onder Suid-Afrika se tienermeisies, en ons sien uit daarna om te sien wie vanjaar met die begeerlike titel gaan wegstap.

Die inskrywingsproses is eenvoudig en alles geskied aanlyn op die spesiale Mej. Tiener-webwerf.


Deelnemers kan hulle kreatiwiteit wys deur ’n foto van hulself te laai, ’n kort motivering te skryf, en om ’n kreatiewe TikTok-video te maak waarin hulle meer oor hulself vertel.

Inskrywings sluit op 29 Februarie 2024 om 17:00 en die TikTok-video’s moet teen sluitingsdatum reeds gelaai wees.

WLH is bevoorreg om deel te wees van hierdie opwindende inisiatief en om die kreatiewe en talentvolle tienermeisies van Suid-Afrika te ondersteun.

In vandag se dinamiese mark speel tieners ’n deurslaggewende rol, ook in die beïnvloeding van verbruikersgedrag. Hul stemme, voorkeure en menings dra aansienlike gewig, nie net binne hul ouderdomsgroep nie, maar ook oor die breër demografie. Deur by hierdie demografie betrokke te raak, beoog ons om ’n verbintenis te bevorder met ’n generasie wat nie net ons toekomstige verbruikers is nie, maar reeds aktiewe deelnemers is aan die digitale en sosiale landskap. Verder het ons hotel-portefeulje unieke kenmerke wat  besonder goed by tieners aanklank vind. Deur hierdie veldtog, streef ons daarna om vroegtydig handelsmerkbewustheid en -affiniteit te bou wat ’n blywende indruk skep en wat langtermyn handelsmerklojaliteit tot gevolg kan hê,” sê Elaine Durr, direkteur van World Leisure Holidays.

Vir meer inligting oor die kompetisie en om in te skryf, besoek gerus die Huisgenoot-webwerf.

DAAR IS GROOT PRYSE OP DIE SPEL:

·         Die wenner stap weg met ’n vakansie vir haar en haar gesin in Mauritius, geborg deur World Leisure Holidays.

·         Die 10 finaliste van die Mej. Tiener-kompetisie wen elkeen twee botteltjies parfuumolie, ’n notaboek en drasak van Tapputi Egyptian Perfume Oils.

·         Die wenner se artikel sal in Huisgenoot verskyn, met haar inlasfoto op Huisgenoot se voorblad. Die artikel sal ook verskyn op huisgenoot.com en op Huisgenoot se sosiale media.

·         Mej. Tiener sal as model op Huisgenoot se modeblaaie pryk. Sy sal verskyn as ’n gas-aanbieder in ’n program op die VIA-televisiekanaal.

·         Die wenner kry ook ’n pryspakket van Tapputi Egyptian Perfume Oils wat vyf botteltjies parfuumolie, notaboeke en drasakke insluit. Sy kan ook genooi word om as model in bemarkingsmateriaal vir dié handelsnaam te verskyn.

·         Mej. Tiener 2024 stap ook weg met R10 000 kontant.

SOSIALEMEDIASKAKELS:

WORLD LEISURE HOLIDAYS

Facebook: https://www.facebook.com/WorldLeisureHolidays  

Instagram: @worldleisureholidays

Webwerf: www.wlh.co.za

HUISGENOOT

Facebook: https://www.facebook.com/huisgenoot?mibextid=ZbWKwL

Instagram: https://www.instagram.com/huisgenoot?igsh=Y3Y4MDl2cGwxd3dk

TikTok: https://www.tiktok.com/@huisgenoot?_t=8jLdd3g59hW&_r=1

X: https://x.com/huisgenoot?t=JPtLp0BMqurLkO_gMbcgBQ&s=09

Webwerf: https://www.netwerk24.com/huisgenoot

About MiggieK

I am passionate about people, visual & performing arts, and my Mannatech business. I believe in God and love my family and friends!

View all posts by MiggieK →