Die bekende Radio Rosestad-omroeper Mario Lategan stel eerste enkelsnit vry – Sagte val.

Die bekende Radio Rosestad-omroeper Mario Lategan het met die bekroonde jeugskrywer Fanie Viljoen stem-en-liriekkragte saamgesnoer en die resultaat is ‘n kaberetagtige luisterliedjie, Sagte Val, wat so sag op die oor is soos ‘n donsige gansveerkussing.   Dit is Mario, ‘n boorling van Bloemfontein, se heel eerste enkelsnit en hiermee betree hy ‘n nuwe musiekera in Afrikaans. Dié van ‘n grendeltydperk-musiek-en-liriekbeweging. Coenie de Villiers, wat een van die vaders van die musiek-en-liriekbeweging in die jare tagtigs was, is ook een van sy musiekrolmodelle: “Coenie kan met woorde toor en elke  sin…

Lees meer

RVN stel nuwe enkelsnit, Intieme Vuur vry.

Ruan van Niekerk, wat as RVN bekend staan, se jongste enkelsnit Intieme Vuur is pas bekendgestel en met dié liedjie bewys die mynopmeter van Middelburg in Mpumalanga dat hy nie net kragtigte melodieë kan skep nie, maar ook meesleurende lirieke kan skryf. RVN se vorige enkelsnitte waaronder Lewe nie van ander, Wapen in jou hand en Waar gaan ons van hier is goed deur plaaslike radiostasies en die publiek ontvang. Hy het hom reeds met die liedjies as ‘n Afrikaanse alternatiewe rocksanger gevestig en met Intieme Vuur skroom hy nie…

Lees meer

Sy het ‘n stem waarvoor jy nooit moeg gaan raak nie….Dis Pastel met Guilty .

Verbeel jouself jy sit in ‘n klein kroegie waar skadu’s van die verlede teen die mure blerts. ‘n Donkerkop sangeres, smeulend, staan op die verhoog.  Haar mond gaan oop en die klanke wat daaruit stroom herinner aan ‘n jonger Norah Jones.  Haar stem is warm; ‘n blokkie egte Switserse sjokolade wat op jou tong smelt.   Sy het ‘n stem waarvoor jy nooit moeg gaan raak nie…. PASTEL,  ‘n natuurwetenskaplike en sangeres-liedjieskrywer, is die heel nuutste toevoeging tot die Suid-Afrikaanse musiekbedryf en met haar Engelse debuutenkelsnit Guilty bewys sy dat…

Lees meer

Anais deel ooivaarstee met Via-kykers.

Vir die eerste keer in die geskiedenis van Afrikaanse televisie gaan ‘n sangeres een van die belangrikste dae in haar lewe – haar ooievaarstee – met kykers deel.    Die tema van die ooievaarstee, wat volgende Dinsdag by die luukse Simbali Lodge net buite Pretoria, gehou gaan word, is deur die Black Swan geïnspireer en daarom is die gaste ook gevra om swart aan te trek. Die bonkige dekor met skakerings van swart simboliseer soms die moeilike rol wat ‘n ma speel, maar ook Anais se sterk persoonlikheid in haar…

Lees meer

Storm, Beeskraal se nuwe enkelsnit word beskryf as:“Dit is ‘n enkelsnit met gas.”

So beskryf Charles Smidt, voorsanger en stigterslid van die boerepunk-rockgroep Beeskraal, hul nuutste enkelsnit Storm wat pas uitgereik is. Die liedjie, wat beskryf word as eg en rou, verskyn op Beeskraal se veertiende vollengte album Afrikana Osbloed wat die jaar vrygestel word.   Charles sê Storm,  wat deur die liriekskrywer en sanger Abel Kraamsaal geskryf is, is een van die heel beste liedjies in Afrikaans.  Hoewel Abel reeds dié liedjie in 1998 gesing en opgeneem het, kon hy die woorde en die musiek net so wel vir Beeskraal geskryf het. …

Lees meer

Weskaapse-sanger Déhan bied Anneli van Rooyen se bekende liedjie Kolmanskap op ‘n eiesoortige wyse aan.

Slegs ses maande nadat die Weskaapse-sanger Déhan die musiekbedryf storm geloop het  met ‘n herverwerkte en nuutverpakte weergawe van Lucas Maree se Weduwee se kruik,  het hy weer die onmoonlike reggekry: om Anneli van Rooyen se bekende liedjie Kolmanskap op ‘n eiesoortige wyse aan te bied en te interpreteer. Die liedjie het ook op sy debuutalbum Dinsdagaand verskyn, maar is nou as varsverpakte enkelsnit uitgereik. Kolmanskop, wat in 1995 op Anneli se se album Soos ou vriende opgeneem is, vertel die storie van ‘n spookdorp in Namibië.  Dié doprie was…

Lees meer

Zahn reik haar derde enkelsnit – ‘n Hart weer heelmaak uit.

Die Centurion-sangeres Lezahn van der Merwe, wat nou bekendstaan as Zahn, het met haar derde enkelsnit ‘n Hart weer heelmaakbewys dat sy nie net nog ‘n vis-en-skyfies popsangeres is nie. Met ‘n  Hart weer heelmaak  vestig Zahn haar as een van die land se beste  kontemporêre sangeresse en sy is ‘n bewys dat haar stem deur die jare ‘n volwassenheid bereik het wat enige musiekliefhebber hoendervleis sal gee. Dié sangeres, wat deesdae net so bekend is vir die so-wyd-soos-God-se-genade gaping tussen haar tande, het met haar tweede enkelsnit Dis hoe…

Lees meer

Angelique – Waar was jy?

Elke nou en dan verskyn daar ‘n sangeres op die musiekhorison wat jou laat regop sit, na jou asem laat snak en jou dwing om tot stilstand te kom en te luister – regtig té luister. Die Johannesburgse liedjieskrywer en sangeres Angelique Greffrath, wat verlede jaar Augustus met ‘n enkelsnit Wye Wêreld, gedebuteer het, is een van dáárdie sangeres wat ‘n mens nie kan ignoreer nie. Haar stem is Bonny Tyler-hees, en haar lirieke het genoeg vlees om die lyf om dit nie te reduseer tot borrelgommusiek nie. Haar nuutste…

Lees meer

JP White – Onbeplan

JP White, ‘n sag-op-die-oog sanger en liriekskrywer van die Oos-Rand, het pas sy nuutste enkelsnit Onbeplan vrygestel en dit is niks anders as pure luistergenot vir die goedontwikkelde pop-rock oor nie. JP, wat op die brose ouderdom van vyftien bekendheid verwerf het as hoofsanger van die rockgroep Radikaal, se stem het die afgelope sestien jaar ontwikkel totdat sy basstem pasknap is vir die pop-rock genre waarin hy nou sing. Radikaal was veral destyds gewild onder die jeug en sy ondersteuners het saam met hom groot geword en musikale volwassenheid bereik.…

Lees meer

Wilhelm Lichtenberg – Somerkersfees

Met net soveel passie en toewyding soos elke hartoperasie, benader Dr Wilhelm Lichtenberg, ‘n hartchirurg en (in sy uiters beperkte vrye tyd buite die hospitaal) klassieke tenoor van Kaapstad sy nuutste projek, wat ‘n boodskap van vrede, genesing en hoop aan elke Suid Afrikaner moet uitdra.Dié snydokter, beskeie dog net so skerp soos die operasiemes waarmee hy daagliks mense se lewens red, se breinkind staan bekend as Gebed Vir Vrede. Dit beslaan ‘n versameling gewyde liedere, waarvan ses oor ‘n tydperk van twee jaar as musiekvideo’suitgereik sal word. Die video’s…

Lees meer